HOME | Tar Heel Libelli: Previous Page - Next Page

Libellus 2: HAEDUS ET LUPUS

TarHeel Reader

Haedus et Lupus (Latin)

Haedus et Lupus: The Kid and The Wolf (Latin and English)

Haedus et Lupus: Repetite! (Latin)

Resources

Vocabula: Latin-English

Perry 572: Other Latin versions, English versions, and illustrations. 

Find more videos like this on LATIN VIA FABLES: AESOPUS

Fabula

Haedus et Lupus

Ecce Capélla!

Ecce Haedus!

Haedus párvulus est.

Capélla est mater; Haedus est fílius.

Ecce pratum!

In prato Capélla cibum quaerit.

Capélla fílium domi relínquit solum.

Haedus párvulus est, et ignárus.

Capélla Haédulum monet:

"Haédule mi, cave Lupum!"

Mater fílio praecéptum dat:

"Noli aperíre portam Lupo!"

Mater abit.

Dum Mater abit, Lupus latet!

Nunc Haedus domi rémanet solus.

Lupus portam pulsat.

Lupus matris vocem símulat.

"Fili mi, portam áperi!"

"Ego sum mater tua."

Lupus bene símulat Capéllae vocem.

Haedus matris vocem audit, sed cautus est!

Haedus per rímulam spectat.

Haedus Lupum videt!

Haedus matris praecépto oboédit.

"Tibi portam non apério!"

Haedus dicit veritátem:

"Lupum vídeo, non matrem."

Haedus demónstrat sapiéntiam:

"Tu vis me devoráre!"

Veritáte et sapiéntia, Haedus Lupum repéllit.

"Abi nunc, Lupe!"

Lupus repúlsus abit!

Haedus salvus est.

Mater et fílius felíces sunt!

Fábula docet: Cave Lupum!

Bonum est oboedíre paréntum praecéptis.