HOME | Tar Heel Libelli: Previous Page - Next Page
Libellus 4: Cervus et Cornua Eius
TarHeel Reader
Cervus et Cornua Eius (Latin)
Cervus et Cornua Eius: The Stag and His Horns (Latin+English)
Cervus et Cornua Eius: Repetite! (Latin)
Cervus et Cornua Eius: A Goliardic Poem (Latin) - about Goliardic meter
Cervus et Cornua Eius (paraphrase of a poem by Alexander Nequam)
Cervus et Cornua Eius (elegiac couplets by Alexander Nequam)
Resources
Vocabula: Latin-English
Perry 74: Other Latin versions, English versions, and illustrations.
Find more videos like this on LATIN VIA FABLES: AESOPUS
Fabula
Cervus et Córnua Eius
Ecce Cervus!
Cervus córnua habet.
Cervi córnua magna sunt.
Cervus crura habet, sed magna non sunt.
Cervi crura tenuíssima sunt.
Cervus sítiens ad fontem venit, ut bibat.
Dum bibit, Cervus imáginem suam spectat in aquis.
Cervus córnua sua laudat.
"Quam pulchra sunt mea córnua!"
"Magna sunt mea córnua, et mirífica."
Cervus crura sua damnat.
"Quam indígna sunt mea crura!"
"Tenuíssima sunt mea crura, et túrpia."
Dum Cervus se spectat, venátor appropínquat.
Cervus audit canes latrántes.
Cervus pertérritus est.
Cervus celérrime fugit!
Quam velox Cervus est!
Venátor cum cánibus Cervum petit.
Per campum Cervus cánibus praecúrrit.
Sic Cervus evádit et currit in silvam.
Sed inter árbores silvae, Cervi córnua haerent.
Córnua Cervum détinent, ut cúrrere non possit.
Profécto canes Cervum apprehéndunt.
Cervus moribúndus clamat:
"Me míserum!"
"Quam stultus eram!"
"Damnávi crura, sed ecce: crura mihi utilíssima erant."
"Laudávi córnua, sed ecce: córnua me perdunt."
"Nimis sero errórem intéllego."
Fábula docet:
Laudáte non pulchrum, sed útile.
Goliardic Poem
Sítiens ad flúmina Cervus properávit.
Videns umbram córnuum, multum se iactávit,
Et crura gracília nímium culpávit.
Attamen extollens multum sē māgnificāvit.
Inter haec latrántium voces audiébat.
Cervus mortem métuens fugam capiébat.
Magnitúdo córnuum quem propediébat
Currere ne posset; querulā tunc vōce gemēbat:
Miser, inquam, fátuus, magis extollébam
Digna vitupério, sic insolescébam.
Dum laudávi córnua, crura contemnébam.
Amplius illa nocent mihi quae plūs cāra tenēbam.
Comments (0)
You don't have permission to comment on this page.