HOME | Tar Heel Libelli: Previous Page - Next Page
Libellus 7: Formica et Cicada
TarHeel Reader
Formica et Cicada (Latin)
Formica et Cicada: The Ant and The Grasshopper (Latin and English)
Formica et Cicada: Repetite!
Formica et Cicada by Caspar Barth (paraphrase in Latin)
Formica et Cicada - The Ant and The Grasshopper by Caspar Barth (paraphrase in Latin and English)
Formica et Cicada by Caspar Barth (iambic dimeter catalectic - feet marked)
Formica et Cicada by Caspar Barth (iambic dimeter catalectic - feet unmarked)
Formica et Cicada by Alexander Nequam (paraphrase in Latin)
Formica et Cicada by Alexander Nequam (paraphrase in Latin and English)
Formica et Cicada by Alexander Nequam (elegiac couplets)
Resources
Vocabula: Latin-English (not for the poem; just for the simple fable in prose)
Perry 373: Other Latin versions, English versions, and illustrations.
Find more videos like this on LATIN VIA FABLES: AESOPUS
Fabulae
Formíca et Cicáda by Laura Gibbs
Ecce Formíca!
Formíca negotiósa est, et prudens.
In aestáte, Formíca labórat, cólligens fruméntum.
Colléctum fruméntum trahit in cavérnam suam.
Cibum repónit in aestáte, ut cómedat in híeme.
Ecce Cicáda!
Cicáda otiósa est, et imprúdens.
In aestáte, Cicáda cantat, et non labórat.
Sed mox tempus híemis ádvenit cum magno frígore.
Formíca in cavérna sua manet, cómedens cibum suum.
Sed Cicáda cibum non habet.
Auxílium quaerens, Cicáda venit ad Formícae iánuam.
Famélica Cicáda clamat:
"O Formíca, te implóro: da mihi cibum!"
"Cópiam habes tu, et ego nihil."
"Fame iam moritúra sum!"
Sed Formíca Cicádam intérrogat:
"Ego tota aestáte laborábam, cólligens fruméntum.
"Dum ego sic laborábam, quid agébas tu?"
Cicáda respóndet:
"Per flores errábam, et per grámina."
"Cármina cantábam ómnibus, gratis."
"Hoc erat mihi opus aestívum."
Formíca ridet et iánuam claudit:
"Si aestáte cantábas híeme nunc salta!"
Fábula docet:
Sine labóre, non erit panis in ore.
Formīca et Cicāda by Caspar Barth
Cicāda cum canendō
Trīvisset omne tempus
Aptum penū parandō,
Hieme ingruente coepit
Vīctu carēre. Sed cum
Inaudiisset esse
Formīcam eo adfluentem
Ad eam profecta, coepit
Orāre pasceret sē.
Formīca parca, quid nam
Aestāte factitāsset
Rogāre, quō minus sē
Hiemī cibō ingruenti
Obmūnīvisset? illa
Cantāsse sē professa est.
Nunc ergō, cantilēnīs
Saltēs licet, peractīs.
Rēspondit, in cavumque
Formīca rētrōversa est.
Formīca et Cicāda by Alexander Nequam
Formīcam brūmā nārrātur adīsse Cicāda,
Ut sibi frūmenti paucula grāna daret.
Illa refert: "Cūr nōn sūdandō, tempore messis,
Haec tibi quaesīstī quae modo grāna petis?"
Rēspondēns: "Cantāns per amoena virēta vagābar;
Cantandī requiēs nōn erat ulla mihi."
Hinc Formīca refert: "Cantāstī tunc, modo saltā;
Nam sine tē comedam parta labōre meō."
Comments (0)
You don't have permission to comment on this page.