: 

HOME | Irenaeus Home | Previous - Next ... (p. 1): Perry 36

Fabula 1.  De Homine et Apolline.

Quem vides pallio accurate obvolutum pro foribus templi Apollinis, nebulo insignis est; non consultor Oraculi, sed Numinis testator et illusor, qui Oraculum Delphicum adit, sciscitaturus viveretne an esset mortuus Passerculus quem manu tenebat sub chlamide; si diceret vivere, ipsum pugno suffocaturus; sin mortuum, repraesentaturus vivum, apud se reputans, Apollinem, quodcumque diceret, probari mendacem. Sed Deus, intellecta hominis nequitia ad eum, "Heus tu Adolescens, quodvis facere, facito! Penes namque te est, seu vivum, seu mortuum, proferre quod prae manibus tenes," ostendens Divinam mentem nil latere, nec falli posse.

Quem vides

pallio accurate obvolutum

pro foribus templi Apollinis,

nebulo insignis est;

non consultor Oraculi,

sed Numinis testator et illusor,

qui Oraculum Delphicum adit,

sciscitaturus

viveretne an esset mortuus Passerculus

quem manu tenebat sub chlamide;

si diceret vivere,

ipsum pugno suffocaturus;

sin mortuum,

repraesentaturus vivum,

apud se reputans,

Apollinem,

quodcumque diceret,

probari mendacem.

Sed Deus,

intellecta hominis nequitia ad eum,

"Heus tu Adolescens,

quodvis facere, facito!

Penes namque te est,

seu vivum, seu mortuum,

proferre

quod prae manibus tenes,"

ostendens

Divinam mentem

nil latere,

nec falli posse.