HOME | Irenaeus Home | Previous - Next ... (p. 11)

Fabula 4. De Arione et Delphino.

Arionem Corinthium, Cytharoedum in primis nobilem, ferunt, cum ex Italia in patriam remigraret, a nautis in mare proiectum (pecuniae, quam artis suae beneficio copiose conflarat, potiundae ergo) a Delphino dorso exceptum, gestatumque, ipsis obstupescentibus undis, ad portum usque Taenarinum, cythara, ut casus invenerat, modulantem (seu quod fera illa hominem naturaliter amore prosequatur; seu cantus et fidium dulcedine capiatur); eumque, eodem quo appulerat apparatus, recta ad Evandrum Regem Corinthi, sibi bene notum amicumque, perrexisse; casus, sceleris, miraculi, seriem, auctores, ordinem retulisse, qui, rei novitate stupefactus, nautas, omne aliud suspicantes, accerserit, et tum, praesentia Arionis, quem dudum fluctibus confectum crediderant, tum criminis conscientia perculsos convictosque, extremo supplicio vindicarit. Ex quo patet sub Deo Iudice omnia cernente, nullas sceleribus latebras perstrui posse, quas in lucem aliquando non eruat, revelet et vindicet.

Arionem Corinthium,

Cytharoedum in primis nobilem,

ferunt,

cum ex Italia in patriam remigraret,

a nautis in mare proiectum

(pecuniae,

quam

artis suae beneficio

copiose conflarat,

potiundae ergo)

a Delphino dorso exceptum,

gestatumque,

ipsis obstupescentibus undis,

ad portum usque Taenarinum,

cythara, ut casus invenerat, modulantem

(seu

quod fera illa

hominem naturaliter amore prosequatur;

seu

cantus et fidium dulcedine capiatur);

eumque,

eodem quo appulerat apparatus,

recta

ad Evandrum Regem Corinthi,

sibi bene notum amicumque,

perrexisse;

casus, sceleris, miraculi,

seriem, auctores, ordinem retulisse,

qui,

rei novitate stupefactus,

nautas, omne aliud suspicantes,

accerserit,

et tum, praesentia Arionis,

quem

dudum fluctibus confectum crediderant,

tum criminis conscientia

perculsos convictosque,

extremo supplicio vindicarit.

Ex quo patet

sub Deo Iudice omnia cernente,

nullas sceleribus latebras perstrui posse,

quas

in lucem aliquando

non eruat, revelet et vindicet.