HOME | Irenaeus Home | Previous - Next ... (p. 43): Perry 324 (more)

Fabula 9. De milvo aegrotante.

Aegrotavit aliquando Milvus periculose, remedia nil effecerant; accersiti frustra Medici monent disponat rebus suis. Is tandem moriturus Matrem vocat, rogat, quando in humanis spes nulla salutis esset, eat precatum Deos pro sua valetudine. Respondet illa incunctanter: "Nil tibi, fili, ex illa parte sperandum puta; nec quicquam tuo nomine, aut causa, Diis supplicandum, quorum sacra et aras tuis toties rapinis violasti. Deus enim sceleratorum nec vota nec munera accepta habet.

Aegrotavit aliquando Milvus

periculose,

remedia

nil effecerant;

accersiti frustra

Medici monent

disponat rebus suis.

Is

tandem moriturus

Matrem vocat, rogat,

quando

in humanis

spes nulla salutis esset,

eat precatum Deos

pro sua valetudine.

Respondet illa incunctanter:

"Nil tibi, fili,

ex illa parte

sperandum puta;

nec quicquam

tuo nomine, aut causa,

Diis supplicandum,

quorum sacra et aras

tuis toties rapinis violasti.

Deus enim

sceleratorum

nec vota nec munera

accepta habet.