HOME | Irenaeus Home | Previous - Next ... (p. 57): Perry 49

Fabula 13. De Bubulco et Leone.

Bubulcus domini sui armenta custodiens, forte amiserat viitulum; et nullo non loco quaesitum, minime inveniens, precatur Iovem, vovetque, si furem ostendat, haedum ipsi immolaturum. Non diu post offendit in saltu leonem trucem, vitulum suum devorantem: cuius aspectu et occursu perterritus, ocius aufugit; iterumque Iovi supplicans vovet, si se a tanto periculo faciat immunem, non iam vitulum, sed bovem integrum dicaturum. Indicat caecas hominum mentes, preces indiscretas, improvida consilia, nunc vota voventium, nunc retractantium, et ut plurimum sibi ipsis nociva precantium.

Bubulcus

domini sui armenta custodiens,

forte amiserat viitulum;

et nullo non loco quaesitum,

minime inveniens,

precatur Iovem,

vovetque,

si furem ostendat,

haedum ipsi immolaturum.

Non diu post

offendit in saltu leonem trucem,

 vitulum suum devorantem:

cuius aspectu et occursu perterritus,

ocius aufugit;

iterumque Iovi supplicans vovet,

si se

a tanto periculo faciat immunem,

non iam vitulum,

sed bovem integrum dicaturum. Indicat

caecas hominum mentes,

preces indiscretas,

improvida consilia,

nunc vota voventium,

nunc retractantium,

et

ut plurimum sibi ipsis

nociva precantium.