| 
  • If you are citizen of an European Union member nation, you may not use this service unless you are at least 16 years old.

  • You already know Dokkio is an AI-powered assistant to organize & manage your digital files & messages. Very soon, Dokkio will support Outlook as well as One Drive. Check it out today!

View
 

irenaeus023

Page history last edited by Laura Gibbs 14 years, 11 months ago

 

HOME | Irenaeus Home | Previous - Next ... (p. 81): Perry 140 (more)

 

Fabula 23. De Leone Rustici filiam amante

 

Deperibat filiam cuiusdam Coloni Leo. Rogavit patrem puellae, ut sibi eam in sponsam traderet. Negat initio posse adduci ut filia sua bestiae nubat, et maxime Leoni. Infrendens ad hoc responsum, Leo, et torvis ac minacibus oculis patrem intuitus, eum exterruit; qui etsi voluntatem non mutavit, finxit tamen mutasse consilium, dicens non recusare se Leonis nuptias, sed timere filiae suae: rogare ut auferat causas timoris, postea nubat. Delinitus Leo petit quae sint illae. At Pater: Dentes (inquit) tui et ungues; quos si dimittas, aut sinas evelli, non supererit coniugii recusandi locus. Leo, amore insaniens, exarmari se, dentes et ungulas effodi, consentit. Quo facto, dum putat nuptias celebrare et frui cupitis amoribus, domi conclusus, inermis, capitur, ligatur, trucidatur. Ut discas exarmatum Leonem ludibrium esse canum; sicut homo, Christianis armis spoliatus, praeda est vilissimorum Daemoniorum.

 

Deperibat

filiam cuiusdam Coloni

Leo.

Rogavit patrem puellae,

ut sibi

eam in sponsam traderet.

Negat initio

posse adduci

ut filia sua bestiae nubat,

et maxime Leoni.

Infrendens ad hoc responsum,

Leo,

et torvis ac minacibus oculis

patrem intuitus,

eum exterruit;

qui

etsi voluntatem non mutavit,

finxit tamen

mutasse consilium,

dicens

non recusare se

Leonis nuptias,

sed timere

filiae suae:

rogare

ut auferat causas timoris,

postea nubat.

Delinitus Leo

petit

quae sint illae.

At Pater:

Dentes (inquit) tui et ungues;

quos si dimittas,

aut sinas evelli,

non supererit

coniugii recusandi locus.

Leo,

amore insaniens,

exarmari se,

dentes et ungulas effodi,

consentit.

Quo facto,

dum putat

nuptias celebrare

et frui cupitis amoribus,

domi conclusus, inermis,

capitur, ligatur, trucidatur.

Ut discas

exarmatum Leonem

ludibrium esse canum;

sicut homo,

Christianis armis spoliatus,

praeda est

vilissimorum Daemoniorum.

 

 

Comments (0)

You don't have permission to comment on this page.