HOME | Irenaeus Home | Previous - Next ... (p. 91): Perry 9 (more)
Fabula 28. De Vulpe et Trago, seu Hirco
Deficientibus aquis prae siccitate, Hircus et Vulpes descendunt in puteum; largiter poti; difficultas erat in regressu sive ascensu non modica. Tandem cauta Vulpes socio: Bono sis animo (ait). Quid enim sit facto opus ut hinc evadamus, probe novi: sta igitur rectus, pedibus anterioribus muro adhaerens, ut in humeros tuos conscendens, tuis cornibus quasi scalae gradibus adiuta, emergam; deinde libera, ut evadas, iuvabo ascensum tuum. Credidit Vulpi Hircus; evasit Vulpes extra puteum; sed fraudulenta bestia negavit vicem rependere: sed benefactori suo illudens et subsannans, dicebat: Si tantum sapientiae in animo fuisset, quantum barbae in mento, non fidisses Vulpi, malignae et crudeli, nec hostem tuum adiuvasses.
Deficientibus aquis prae siccitate,
Hircus et Vulpes
descendunt in puteum;
largiter poti;
difficultas erat
in regressu sive ascensu
non modica.
Tandem cauta Vulpes
socio:
Bono sis animo (ait).
Quid enim sit facto opus
ut hinc evadamus,
probe novi:
sta igitur rectus,
pedibus anterioribus
muro adhaerens,
ut
in humeros tuos conscendens,
tuis cornibus quasi scalae gradibus
adiuta,
emergam;
deinde libera,
ut evadas,
iuvabo ascensum tuum.
Credidit Vulpi
Hircus;
evasit Vulpes extra puteum;
sed fraudulenta bestia
negavit vicem rependere:
sed benefactori suo
illudens et subsannans,
dicebat:
Si tantum sapientiae
in animo fuisset,
quantum barbae in mento,
non fidisses Vulpi,
malignae et crudeli,
nec hostem tuum adiuvasses.
Comments (0)
You don't have permission to comment on this page.