HOME | Irenaeus Home | Previous - Next ... (p. 100): Perry 51
Fabula 32. De Serpente et Agricola
Non longe a domo Agricolae Serpens habebat foveam suam, accidit autem ut filium Agricolae pungeret et interficeret. Pater, ira fremens, securi armatus, Serpenti insidiatur, et inventum, cum medium secare putat, aut caput transverberare, caudam amputat, qua relicta, in cavum saucius se recipit; successu temporis, medicatum est vulnus Serpentis et dolor Agricolae, seu sensus iniuriae remissus. Et ut homo facile obliviscitur iniurias, rusticus voluit cum Serpente inire concordiam, acceptisque farina, sale, aqua et melle, ut moris erat, cum eo reconciliari; sed frustra; is enim fugere et sibilare, nequicquam expectare. Facto intervallo, occurrunt; rursus agricola Serpentem alloquitur, ad pacem invitat, ille ad eum, "Frustra (inquit) laboras: inter nos amicitia vera nusquam esse potest; nam tu dum ademptum filium, ego meam caudam, meminerimus, iniuriae recrudescent. Ita enim est, ubi graves iniuriae et inimicitiae intercesserunt, reconciliatio vera nulla est. Et hosti reconciliato ne fidas.
Non longe a domo Agricolae
Serpens habebat foveam suam,
accidit autem
ut filium Agricolae
pungeret et interficeret.
Pater, ira fremens,
securi armatus,
Serpenti insidiatur,
et inventum,
cum medium secare putat,
aut caput transverberare,
caudam amputat,
qua relicta,
in cavum
saucius se recipit;
successu temporis,
medicatum est
vulnus Serpentis
et dolor Agricolae,
seu sensus iniuriae remissus.
Et ut homo
facile obliviscitur iniurias,
rusticus voluit
cum Serpente inire concordiam,
acceptisque
farina, sale, aqua et melle,
ut moris erat,
cum eo reconciliari;
sed frustra;
is enim
fugere et sibilare,
nequicquam expectare.
Facto intervallo,
occurrunt;
rursus agricola
Serpentem alloquitur,
ad pacem invitat,
ille ad eum,
"Frustra (inquit) laboras:
inter nos
amicitia vera
nusquam esse potest;
nam tu
dum ademptum filium,
ego
meam caudam,
meminerimus,
iniuriae recrudescent.
Ita enim est,
ubi graves iniuriae et inimicitiae
intercesserunt,
reconciliatio vera
nulla est.
Et hosti reconciliato
ne fidas.
Comments (0)
You don't have permission to comment on this page.