HOME | Irenaeus Home | Previous - Next ... (p. 134): Perry 141

Fabula 54. Leo et Rana.

Propter stagnum Leo inambulans, coaxantium Ranarum cantibus ac vocibus auditis, obstupescebat, existimans tanti rumoris vocem esse cuiusdam animalis perampli, iamque iubas arrigebat et cauda latera in iram percutiebat, quodcumque animal esset, expugnatuarus, cum, propius accedens ad oram stagni, videt Ranam coaxantem sub se moveri, quam pede calcavit et attrivit, pudore suffusus, sibi tam exile et foedum animalculum fuisse terrori. Quo docemur plerumque rerum inanium vano timore homines deterreri, quae si nossent, flocci facerent.

Propter stagnum

Leo inambulans,

coaxantium Ranarum

cantibus ac vocibus auditis,

obstupescebat,

existimans

tanti rumoris vocem

esse cuiusdam animalis perampli,

iamque iubas arrigebat

et cauda

latera in iram percutiebat,

quodcumque animal esset, expugnatuarus,

cum,

propius accedens ad oram stagni,

videt

Ranam coaxantem sub se moveri,

quam pede calcavit et attrivit,

pudore suffusus,

sibi

tam exile et foedum animalculum

fuisse terrori.

Quo docemur

plerumque

rerum inanium vano timore

homines deterreri,

quae si nossent,

flocci facerent.