HOME | Irenaeus Home | Previous - Next ... (p. 149): Perry 183
Fabula 60. Asinus Silvestris.
Onager seu Asinus silvestris, viso Asino domestico in aprico pascente, accedens, eum felicem dicebat, eiusque conditionem multis extollebat, ut qui sine ferarum periculo interdiu herbam pasceret et in stabulo noctu securus a servis heri sui curaretur. At ubi postera die eumdem vidit clitellis onustum, gravia onera ferentem, et famulum retro eum fuste et flagellis egregie excipientem, mutavit sententiam et quem felicem prius reputaverat, miserrimum pronuntiavit. Sic res humanae fallaces sunt, et cum rident specioso vultu prima fronte, momento produnt malum quod intus celant.
Onager seu Asinus silvestris,
viso Asino domestico
in aprico pascente,
accedens,
eum felicem dicebat,
eiusque conditionem
multis extollebat,
ut qui
sine ferarum periculo
interdiu herbam pasceret
et in stabulo noctu securus
a servis heri sui curaretur.
At ubi postera die
eumdem vidit clitellis onustum,
gravia onera ferentem,
et famulum retro
eum fuste et flagellis
egregie excipientem,
mutavit sententiam
et quem
felicem prius reputaverat,
miserrimum pronuntiavit.
Sic res humanae
fallaces sunt,
et cum rident specioso vultu
prima fronte,
momento produnt malum
quod intus celant.
Comments (0)
You don't have permission to comment on this page.