HOME | Irenaeus Home | Previous - Next ... (p. 166): Perry 161

Fabula 65. De Vaticinatore.

Circulator quidam  medio in foro  Divinatoriam profitebatur,  et inspectione manuum cuiuslibet  sortes augurabatur,  magna plebecula turba stipatus,  quam  dum suis praestigiis incautam teneret,  quidam  ipsi annunciat  effractas fores domus suae,  et omnia a latronibus direpta et asportata.  Quo audito turbatus,  relictis omnibus  ad domum cucurrit.  Tunc unusquisque exclamare,  "O illusor et mendax,  aliorum sortem divinare  et scire te dicis,  et tuam nescis."  Innuit vanitatem artis divinatoriae. 

Circulator quidam

medio in foro

Divinatoriam profitebatur,

et inspectione manuum cuiuslibet

sortes augurabatur,

magna plebecula turba stipatus,

quam

dum suis praestigiis incautam teneret,

quidam

ipsi annunciat

effractas fores domus suae,

et omnia a latronibus direpta et asportata.

Quo audito turbatus,

relictis omnibus

ad domum cucurrit.

Tunc unusquisque exclamare,

"O illusor et mendax,

aliorum sortem divinare

et scire te dicis,

et tuam nescis."

Innuit vanitatem artis divinatoriae.