HOME | Irenaeus Home | Previous - Next ... (p. 199): Perry 509

Fable 78: Pavo et Luscinia

Aspicis Pavonem superbae Iunonis alitem explicantem adverso Sole luxuriantes divitias pennarum suarum? gaudentem spectari, et intuentibus gemmarum fulgorem ostentare. Non dubites hunc esse animal gloriae, vanitatis symbolum: sed non propterea credas esse contentum suis divitiis. Nam Lusciniae de proximo cantillanti, invidens vocem suam, supplex Iunonem obsecrat, ut sibi modulandi facultatem largiatur, deficere suae pulchritudini hoc complementum; irrideri se dum cantat. Sed quid illi Iuno? Dona cuique animalium (inquit) ab Iove liberaliter concessa sunt; tu Lusciniam plumarum multiplici honore superas, illa te cantu. Unumquemque oportet esse sua sorte contentum.

Aspicis Pavonem

superbae Iunonis alitem

explicantem

adverso Sole

luxuriantes divitias

pennarum suarum?

gaudentem spectari,

et intuentibus

gemmarum fulgorem ostentare.

Non dubites

hunc esse animal gloriae,

vanitatis symbolum:

sed non propterea credas

esse contentum suis divitiis.

Nam Lusciniae

de proximo cantillanti,

invidens vocem suam,

supplex

Iunonem obsecrat,

ut sibi

modulandi facultatem largiatur,

deficere suae pulchritudini

hoc complementum;

irrideri se

dum cantat.

Sed quid illi Iuno?

Dona

cuique animalium (inquit)

ab Iove

liberaliter concessa sunt;

tu

Lusciniam

plumarum multiplici honore

superas,

illa te cantu.

Unumquemque oportet

esse sua sorte contentum.