HOME | Irenaeus Home | Previous - Next ... (p. 200): Abstemius

 Fable 80: Lepus et Vulpes

Lepus et Vulpes, desse aliquid suae speciei causantes, simul ad pulvinar Iovis supplices accedunt, postulat ille sibi a Iove dari Vulpis calliditatem, qua sibi a periculis et hostibus caute prospiciat; ista optat Leporis celeritatem, sic utrique melius iri consultum. Quid Iupiter? Respondet caecas et inanes creaturarum postulationes minime audiendas; iam a principio e sinu suo cunctis naturis abunde provisum. Non omnibus omnia, sed sapientissima ratione, quae conducerent, cuique fuisse distributa.

Lepus et Vulpes,

desse aliquid suae speciei

causantes,

simul ad pulvinar Iovis

supplices accedunt,

postulat ille

sibi a Iove dari

Vulpis calliditatem,

qua sibi

a periculis et hostibus

caute prospiciat;

ista optat

Leporis celeritatem,

sic utrique

melius iri consultum.

Quid Iupiter?

Respondet

caecas et inanes

creaturarum postulationes

minime audiendas;

iam a principio

e sinu suo

cunctis naturis

abunde provisum.

Non omnibus omnia,

sed sapientissima ratione,

quae conducerent,

cuique fuisse distributa.