HOME | Irenaeus Home | Previous - Next ... (p. 200):  Abstemius

Fable 81: Asinus, Simia et Talpa

Asinus et Simia simul aliquando confabulantes, coeperunt de Natura omnium parente conqueri, ille quod erga se illiberalis cornua non dedisset, suae defensionis necessaria. Haec vicissim quod caudam non esset largita nudis natibus operiendis oportunam. Audiebat talpa colloquentes, ad quos: Tacete (inquit) ambo, et cessate murmurare, cum me oculis captam patienter sustinere videtis. Eos arguit qui fundunt inanes querelas, qui, si proximorum sortem penderent, felices se reputarent, aut aequabilius suam tolerarent.

Asinus et Simia

simul aliquando confabulantes,

coeperunt

de Natura omnium parente

conqueri,

ille quod

erga se illiberalis

cornua non dedisset,

suae defensionis necessaria.

Haec vicissim quod

caudam non esset largita

nudis natibus operiendis

oportunam.

Audiebat talpa

colloquentes,

ad quos:

Tacete (inquit) ambo,

et cessate murmurare,

cum me oculis captam

patienter sustinere

videtis.

Eos arguit

qui

fundunt inanes querelas,

qui,

si proximorum sortem penderent,

felices se reputarent,

aut aequabilius suam tolerarent.