HOME | Irenaeus Home | Previous - Next ... (p. 201): Perry 230

Fable 84: Aquila et Testudo Volans

Testudo videns Aquilam se pennarum remigio in altum levare, et multa aeris spatia facillime labore dimetiri, coepit desiderare sortem ipsius, saltem rogavit Aquilam, ut se in sublime portaret, ut posset hac voluptate frui, spectare et intueri caelum et terrarum tractus et maris; morem gessit Aquila cupiditati Testudinis, et ungue prehensam per inane sustulit, unde statim dimisit ex alto, meritas poenas dantem temerariae suae cupiditatis.

Testudo

videns Aquilam

se

pennarum remigio

in altum levare,

et multa aeris spatia

facillime labore dimetiri,

coepit desiderare sortem ipsius,

saltem rogavit Aquilam,

ut se in sublime portaret,

ut posset

hac voluptate frui,

spectare et intueri caelum

et terrarum tractus et maris;

morem gessit Aquila

cupiditati Testudinis,

et ungue prehensam

per inane sustulit,

unde statim

dimisit ex alto,

meritas poenas dantem

temerariae suae cupiditatis.