HOME | Irenaeus Home | Previous - Next ... (p. 209): Perry 91

 

Fable 85: Asinus et Catellus

 

Lusitantem cum Patrefamilias Catellum, modo pedes iocose morsicantem, modo vestes, modo ad collum et ora subsilientem, mensa etiam assidentem, cibos de manu heri recipientem, mille modis blandientem, et blanditiis vicissim affectum, contemplabatur Asinus domesticus de area et invidia rumpebatur; sortem suam memorans, ut qui quotidie clitellas et onera deportaret, nusquam otiaretur, male tonsus et pransus, insuper semper mala verba, saepius verbera exciperet. Coepit autem aliquando pensiculantius ruminare, quaenam huius rei causa esset, et apud se dicere: Forsitan, ob rusticitatem meam, quod hero non abblandior, non alludo, non assuavior; addiscamus (inquit) amare, ut contingat amari. Excutiendus pudor est. Igitur expectavit cum rediret domum Herus suus, cui intranti occurrit arrectis auribus et voce altissima rudens et ridens, in humeros subsilit, pulsat pedibus, ungulis, capite, arridet. Exclamare Herus, voce, manibus, baculo excipere, accurrunt servi, et infelix Asellus egregie vapulat et foris truditur. Tunc ad se rediens: Digne (inquit) vapulo, et meae temeritatis poenas luo, quod Asinum non decet, factitare volens.

 

Lusitantem cum Patrefamilias

Catellum,

modo pedes

iocose morsicantem,

modo vestes,

modo ad collum et ora

subsilientem,

mensa etiam assidentem,

cibos

de manu heri recipientem,

mille modis blandientem,

et blanditiis vicissim affectum,

contemplabatur

Asinus domesticus

de area

et invidia rumpebatur;

sortem suam memorans,

ut qui

quotidie

clitellas et onera deportaret,

nusquam otiaretur,

male tonsus et pransus,

insuper

semper mala verba,

saepius verbera exciperet.

Coepit autem aliquando

pensiculantius ruminare,

quaenam huius rei causa esset,

et apud se dicere:

Forsitan,

ob rusticitatem meam,

quod hero non abblandior,

non alludo, non assuavior;

addiscamus (inquit) amare,

ut contingat amari.

Excutiendus pudor est.

Igitur expectavit

cum rediret domum

Herus suus,

cui intranti

occurrit arrectis auribus

et voce altissima rudens

et ridens,

in humeros subsilit,

pulsat

pedibus, ungulis, capite,

arridet.

Exclamare Herus,

voce, manibus, baculo excipere,

accurrunt servi,

et infelix Asellus

egregie vapulat

et foris truditur.

Tunc ad se rediens:

Digne (inquit) vapulo,

et meae temeritatis poenas luo,

quod Asinum non decet,

factitare volens.