HOME | Irenaeus Home | Previous - Next ... (p. 210): Perry 376

Fable 89: Rana et Bos

Veniebat potum in stagno Bos crassus et pinguis, et multoties visus Ranis, cuidam Ranae desiderium incussit grandiorem fieri et crescere instar Bovis. Reputare se felicem, si ad eam molem posset pervenire; multo potu id fieri posse reputans, coepit ultra solitum et captum bibere, matre filiam frustra increpante, ac dicente, fore potius ut creparet rumpereturque, quam Bovis mensuram aequaret, etiam si totam paludem ebiberet. Crepem licet, mater mea, si possum, grandior fiam. Quid tandem? Paulo post bibendo crepuit media. Exemplo aliis quemque intra sortes suae terminos se continere debere.

Veniebat potum in stagno

Bos crassus et pinguis,

et multoties visus Ranis,

cuidam Ranae

desiderium incussit

grandiorem fieri

et crescere instar Bovis.

Reputare se felicem,

si ad eam molem

posset pervenire;

multo potu

id fieri posse reputans,

coepit

ultra solitum et captum

bibere,

matre

filiam frustra increpante,

ac dicente,

fore potius

ut creparet rumpereturque,

quam Bovis mensuram aequaret,

etiam si totam paludem ebiberet.

Crepem licet,

mater mea,

si possum,

grandior fiam.

Quid tandem?

Paulo post

bibendo crepuit media.

Exemplo aliis

quemque

intra sortes suae terminos

se continere debere.