HOME | Irenaeus Home | Previous - Next ... (p. 224): Perry 44

Fable 92: Ranae et Rex Earum

Ranae, regem habere cupientes, Iovi supplicant sibi dari regem; risit Iupiter ad vota ranarum, illae interim clamant et coaxare non desinunt, donec earum importunis clamoribus victus, e caelo demisit in earum stagnum immanem trabem, cuius cadentis fragore attonitae, initio siluere, sed postea audaciores, sensim accedere, desuper desultare, garrire, et ludibrio habere coeperunt; redeunt ad Iovem, querulae, non trabem se, sed regem velle, qui cor, os et sensum habeat. Iupiter, fremens, mittit loquacibus bestiis Ciconiam, quae, paludem perambulans, quotquot obvias habet, vivas devorat. Redeunt iterum ad Iovem, nec sic se velle regem, alium petunt, sed frustra, non audit importunas loquaces, ut propterea queri et coaxare non desinant, talis est conditio mortalium, ut nemo subiici velit.

Ranae,

regem habere cupientes,

Iovi supplicant

sibi dari regem;

risit Iupiter

ad vota ranarum,

illae interim clamant

et coaxare non desinunt,

donec

earum importunis clamoribus

victus,

e caelo demisit

in earum stagnum

immanem trabem,

cuius cadentis fragore

attonitae,

initio siluere,

sed postea audaciores,

sensim accedere,

desuper desultare, garrire,

et ludibrio habere coeperunt;

redeunt ad Iovem,

querulae,

non trabem se,

sed regem velle,

qui

cor, os et sensum habeat.

Iupiter, fremens,

mittit loquacibus bestiis

Ciconiam,

quae,

paludem perambulans,

quotquot obvias habet,

vivas devorat.

Redeunt iterum ad Iovem,

nec sic se velle regem,

alium petunt,

sed frustra,

non audit importunas loquaces,

ut propterea

queri et coaxare non desinant,

talis est conditio mortalium,

ut nemo subiici velit.