HOME | Irenaeus Home | Previous - Next ... (p. 224): Perry 486

Fable 93: Columbae, Milvus et Accipiter

Dum invicem confligerent Milvus et Columbae, istae Milvi viribus impares, opem Accipitris implorant, et regem suum faciunt: ille vero non defensoris, sed tyranni partes agens, eas praedatur, depascit, rapit. Agnoscunt errorem suum Columbae, sed sero, melius esse unum, quam duos simul sustinere hostes, maxime si alter eorum sit domesticus. Propterea Accipitri non egere amplius ope sua, renuntiant, ad sua se recipiat. Ostendunt quam grave sit iugum cuiuscumque ferre imperantis.

Dum invicem confligerent

Milvus et Columbae,

istae

Milvi viribus impares,

opem Accipitris implorant,

et regem suum faciunt:

ille vero

non defensoris,

sed tyranni partes agens,

eas praedatur, depascit, rapit.

Agnoscunt errorem suum

Columbae,

sed sero,

melius esse unum,

quam duos

simul sustinere hostes,

maxime

si alter eorum

sit domesticus.

Propterea

Accipitri

non egere amplius ope sua,

renuntiant,

ad sua

se recipiat.

Ostendunt

quam grave sit

iugum

cuiuscumque ferre imperantis.