HOME | Irenaeus Home | Previous - Next ... (p. 249):  Perry 169

Fable 101: De Adolescente et Hirundine

Effrenus quidam ac dissolutus Iuvenis, cum inter ganeonum greges bona sua in popinis et luxuriis abligurisset, ut nil reliqui praeter vestem haberet, visa Hirundine, existimavit actum esse de hieme, ver adventasse; confestimque vestem vendidit, et pretium eius ludis et solitis compotationibus impendit; sed cum paulo post, recrudescente frigore, dirissime algeret, visa alia Hirundine, et ipsa paene frigore enecta, O pessima avicula, dixit, quam male auguraris! Decepisti me, et simul decepta es. Ostendit inconsideratae iuventutis indolem temere et sine consilio se in errores praeceipitem agentem.

Effrenus quidam

ac dissolutus Iuvenis,

cum

inter ganeonum greges

bona sua

in popinis et luxuriis

abligurisset,

ut nil reliqui

praeter vestem haberet,

visa Hirundine,

existimavit

actum esse de hieme,

ver adventasse;

confestimque

vestem vendidit,

et pretium eius

ludis et solitis compotationibus

impendit;

sed

cum

paulo post,

recrudescente frigore,

dirissime algeret,

visa alia Hirundine,

et ipsa paene frigore enecta,

O pessima avicula, dixit,

quam male auguraris!

Decepisti me,

et simul decepta es.

Ostendit

inconsideratae iuventutis indolem temere et sine consilio

se

in errores

praeceipitem agentem.