Questions? Comments? See the discussion pages for each fable at the Aesopus Ning. I've included a segmented version to help make the morals easier to read.
Fable 1: DE LEAENA ET VULPE. Pulchritudo non in copia rerum sed virtute consistit; plus valebat unus Themistocles apud Graecos (teste Plutarcho) quam numerosus Persarum exercitus sub rege Xerxe. Nobilitas raro in turba invenitur.
Segmented version:
Pulchritudo
non in copia rerum
sed virtute consistit;
plus valebat
unus Themistocles
apud Graecos
(teste Plutarcho)
quam numerosus Persarum exercitus
sub rege Xerxe.
Nobilitas
raro in turba invenitur.
Fable 2: DE CANE ET BOVE. Ita sumus natura comparati ut aliis invideamus, quod ipsi vel naturae imprudentia vel mentis inopia nullo modo consequi possumus.
Segmented version:
Ita sumus naturā comparati
ut aliis invideamus,
quod ipsi
vel naturae imprudentiā
vel mentis inopiā
nullo modo consequi possumus.
Fable 3: DE PARTU MONTIUM. Reprehendit haec fabula iactantiam illorum qui cum magna profitentur, vix parva faciunt. Vetat etiam inanes timores; plerumque etenim periculi metus est ipso periculo gravior, et ridiculum est quod tantum formidamus.
Segmented version:
Reprehendit haec fabula
iactantiam illorum
qui,
cum magna profitentur,
vix parva faciunt.
Vetat etiam inanes timores;
plerumque etenim periculi metus
est ipso periculo gravior,
et ridiculum est
quod tantum formidamus.
Fable 4: DE MURE URBANO ET MURE RUSTICO. Divitiae quidem prae se ferunt voluptatem, sed, si penitus introspicias, habent pericula et amaritudinem. Maiori etenim curarum mole opprimuntur divites, quam pauperes.
Segmented version:
Divitiae quidem
prae se ferunt voluptatem,
sed, si penitus introspicias,
habent pericula et amaritudinem.
Maiori etenim curarum mole
opprimuntur divites,
quam pauperes.
Fable 5: DE CORNICE ET URNA. Vetus est proverbium: necessitas est ingenii mater; ingenium valet, cum vires fallunt, quod non viribus possumus efficere, prudentia et consilium peragent.
Segmented version:
Vetus est proverbium:
necessitas
est ingenii mater;
ingenium valet
cum vires fallunt,
quod non viribus possumus efficere,
prudentia et consilium peragent.
Fable 6: DE ACCIPITRE ET LUSCINIA. Contra magnates nil moliendum esse ab impotentibus et homuncionibus pusillis.
Segmented version:
Contra magnates
nil moliendum esse
ab impotentibus et homuncionibus pusillis.
Fable 7: DE PAVONE ET GRUE. Homines iactabundi, cum magna profitentur, eo ipso tempore vel maxime in minimis redarguuntur. Nemo igitur alterum contempserit; sua cuique est dos, sua cuique virtus.
Segmented version:
Homines iactabundi,
cum magna profitentur,
eo ipso tempore
vel maxime
in minimis redarguuntur.
Nemo igitur
alterum contempserit;
sua cuique est dos,
sua cuique virtus.
Fable 8: DE AVIBUS ET QUADRUPEDIBUS. Qui cum sociis infortunii et periculi particeps esse renuit, prosperitatis et salutis expers erit.
Segmented version:
Qui
cum sociis
infortunii et periculi particeps
esse renuit,
prosperitatis et salutis expers erit.
Fable 9: DE VULPE ET PARDO. Pulchritudo animi antecellit pulchritudinem corporis, et est omni corporis ornatu potior.
Segmented version:
Pulchritudo animi
antecellit pulchritudinem corporis,
et est omni corporis ornatu potior.
Fable 10: DE RUSTICO ET SILVA. Fabula innuit quod: levissima et quae minutuli videntur momenti in gravissimum nonnunquam tendunt dispendium.
Segmented version:
Fabula innuit quod:
levissima
et quae minutuli videntur momenti
in gravissimum nonnunquam tendunt dispendium.
Fable 11: DE RUSTICO ET ARATRO SUO. Fabula innuit quod otiosa vota nihil prosunt; vota enim sunt quae sane Deus non audit. Vetus est adagium: iuva temet, et ipse te adiuvabit Deus.
Segmented version:
Fabula innuit quod:
otiosa vota
nihil prosunt;
vota enim sunt
quae sane
Deus non audit.
Vetus est adagium:
iuva temet,
et ipse te adiuvabit Deus.
Fable 12: DE PASTORIS PUERO ET AGRICOLIS. Fabula admonet linguaces ac garrulos domi non habendos; si mentiri consueverit quisquam, huic, quando verum narrare incoeperit, haud facile habebitur fides.
Segmented version:
Fabula admonet
linguaces ac garrulos
domi non habendos;
si mentiri consueverit quisquam,
huic,
quando verum narrare incoeperit,
haud facile habebitur fides.
Fable 13: DE LUPIS ET OVIBUS. Inscitia est, si in foedere, praesidia tua hosti traderes, nam qui hostis fuit, hostis fortassis nondum esse desit; forsan et ansam ceperit, cur te, nudatum praesidiis, adoriatur.
Segmented version:
Inscitia est,
si in foedere,
praesidia tua
hosti traderes,
nam qui hostis fuit,
hostis fortassis
nondum esse desit;
forsan et ansam ceperit,
cur te,
nudatum praesidiis,
adoriatur.
Fable 14: DE RANA ET BOVE. Cuique sua dos est; quocirca quisque sibi consulat, nec invideat superiori, quod miserum est, nec, quod stultitia est, aequare optet.
Segmented version:
Cuique sua dos est;
quocirca
quisque sibi consulat,
nec invideat superiori,
quod miserum est,
nec,
quod stultitia est,
aequare optet.
Fable 15: DE AUCUPE ET PALUMBE. Monemur hac Fabella cum consideratis ambulare; saepissime etenim videmus eos circumveniri, qui res novas moliuntur.
Segmented version:
Monemur hac Fabella
cum consideratis ambulare;
saepissime etenim
videmus
eos circumveniri,
qui res novas moliuntur.
Fable 16: DE CICADA ET FORMICA. Multi ita capti sunt libidine gloriae, ut omnibus sese et praedicent et iactant. Monet praeterea haec fabula quod: qui segnes sunt in iuventute, egebunt in senecta, et qui hodie non parcunt, olim mendicabunt.
Segmented version:
Multi ita capti sunt
libidine gloriae,
ut
omnibus
sese et praedicent et iactant.
Monet praeterea
haec fabula quod:
qui segnes sunt in iuventute,
egebunt in senecta,
et qui hodie non parcunt,
olim mendicabunt.
Fable 17: DE AGRICOLA ET CICONIA. Evitanda est malorum societas, trahit enim ad imitationem criminis et ad poenam; qui impuris se adiungit socium, pari poena plectitur.
Segmented version:
Evitanda est
malorum societas,
trahit enim
ad imitationem criminis et ad poenam;
qui
impuris se adiungit
socium,
pari poena plectitur.
Fable 18: DE ACCIPITRE COLUMBAM INSEQUENTE. Fabula innuit merito puniri qui innocentes laedere conantur; debemus enim esse protectores innocentiae, cum Fortuna administrat et auctoritatem et potentiam.
Segmented version:
Fabula innuit
merito puniri
qui innocentes laedere conantur;
debemus enim
esse protectores innocentiae,
cum Fortuna administrat
et auctoritatem et potentiam.
Fable 19: DE VULPECULA ET CICONIA. Fraudem fraude refellere licet, risus enim risum, iocus iocum, dolus meretur dolum.
Segmented version:
Fraudem fraude refellere licet,
risus enim risum,
iocus iocum,
dolus meretur dolum.
Fable 20: DE LEONE AMATORIO. Morale indicat vesaniam inutilis amoris, propter quem pretiosissima perdimus et captivitatem patimur.
Segmented version:
Morale indicat
vesaniam inutilis amoris,
propter quem
pretiosissima perdimus
et captivitatem patimur.
Fable 21: DE EQUO ET ASINO. Accedunt ad cumulum infelicitatis saepe mali, quod contemnentur ab iis quos ipse contempsere, et illudent eis illi quos ipsi risere.
Segmented version:
Accedunt
ad cumulum infelicitatis
saepe mali,
quod
contemnentur
ab iis
quos ipse contempsere,
et illudent eis
illi
quos ipsi risere.
Fable 22: DE VULPE ET LUPO. Vir prudens debet finem explorare, antequam ad rem peragendam veniat; finis enim coronat opus.
Segmented version:
Vir prudens
debet finem explorare,
antequam
ad rem peragendam veniat;
finis enim
coronat opus.
Fable 23: DE LUPO OVIS PELLE INDUTO. Fabula innuit homines non ex habitu, sed ex operibus iudicandos, quoniam multi sub vestimentis ovium lupina faciunt opera.
Segmented version:
Fabula innuit
homines
non ex habitu,
sed ex operibus iudicandos,
quoniam multi
sub vestimentis ovium
lupina faciunt opera.
Fable 24: DE VITULA ET BOVE. Qui alteri irridet, sibi ipsi caveat; qui labori suo sedulo incumbit, securus est; otioso et nihil agenti pericula semper imminent.
Segmented version:
Qui
alteri irridet,
sibi ipsi caveat;
qui
labori suo
sedulo incumbit,
securus est;
otioso et nihil agenti
pericula semper imminent.
Fable 25: DE AUCUPE ET PERDICE. Morale docet nunquam fidem illis adhibituram, qui alios semel fefellerunt.
Segmented version:
Morale docet
nunquam fidem
illis adhibituram,
qui
alios semel fefellerunt.
Fable 26: DE LUPO ET SUE. Non sunt cuncta cunctis credenda; multi enim suam operam pollicentur non tui amore, sed sui, suum quaerentes commodum, non tuum.
Segmented version:
Non sunt cuncta cunctis credenda;
multi enim
suam operam pollicentur
non tui amore,
sed sui,
suum quaerentes commodum,
non tuum.
Fable 27: DE MILVO AEGROTO. Debemus venerari Superos; illi etenim pios iuvant, impiis adversantur; in felicitate neglecti in miseria non exaudiunt; quare in secundis rebus simus eorum memores, ut in adversis rebus praesentes sint, vocati.
Segmented version:
Debemus
venerari Superos;
illi etenim
pios iuvant,
impiis adversantur;
in felicitate neglecti
in miseria non exaudiunt;
quare
in secundis rebus
simus eorum memores,
ut in adversis rebus
praesentes sint, vocati.
Fable 28: DE CANE MORDACI. Eo sunt ingenio plerique, ut nobiles se esse iactant cum sunt pauperes et miserrimi; gloriosus interdum illud sibi ducit laudi, quod ipsi est vituperio.
Segmented version:
Eo sunt ingenio plerique,
ut nobiles se esse iactant
cum sunt pauperes et miserrimi;
gloriosus interdum
illud sibi ducit laudi,
quod ipsi est vituperio.
Fable 29: DE VULPE ET UVA. Morale docet simulatum fastidium conveniens esse earum rerum quas nulla possimus arte comparare.
Segmented version:
Morale docet
simulatum fastidium
conveniens esse
earum rerum
quas
nulla possimus arte comparare.
Fable 30: DE LUPO ET GRUE. Aliorum pericula homines cautiores efficere debent; apud improbos non parva habetur gratitudo, si, pro obsequio, quis detrimentum non recepit.
Segmented version:
Aliorum pericula
homines
cautiores efficere debent;
apud improbos
non parva habetur gratitudo,
si, pro obsequio,
quis
detrimentum non recepit.
Fable 31: DE VULPE ET AQUILA. Per Aquilam, potentis atque audacis animi homines intelligendi sunt; per Vulpem, pauperculi. Verum quando et sua formicis est ira, impotentes etiam acceptam iniuriam interdum probe ulciscuntur.
Segmented version:
Per Aquilam,
potentis atque audacis animi homines
intelligendi sunt;
per Vulpem,
pauperculi.
Verum quando
et sua formicis est ira,
impotentes etiam
acceptam iniuriam
interdum probe ulciscuntur.
Fable 32: DE COLUMBIS ET ACCIPITRE. Quamvis pauci admodum sorte sua contenti vivunt, nemo tamen aut Fortunam aut Rationem petulanti lacessat lingua; multi, nova sorte quaesita, veterem rursus optavere; ita Natura sumus omnes comparati, ut nosmet nostri saepe consilii paeniteat.
Segmented version:
Quamvis pauci
admodum sorte sua contenti vivunt,
nemo tamen
aut Fortunam aut Rationem
petulanti lacessat lingua;
multi,
nova sorte quaesita,
veterem rursus optavere;
ita Naturā
sumus omnes comparati,
ut nosmet
nostri saepe consilii paeniteat.
Fable 33: DE SENE ET MORTE. Morale indicat in adversis nos vota execrabilia emittere, quibus, post seriam considerationem, abhorremus.
Segmented version:
Morale indicat
in adversis
nos
vota execrabilia emittere,
quibus,
post seriam considerationem,
abhorremus.
Fable 34: DE CERVO IN BOVIUM STABULO. Abundans cautela non nocet, et plures per nimiam sui perduntur fiduciam quam per tela et hostium arma circumsonantium.
Segmented version:
Abundans cautela non nocet,
et plures
per nimiam sui perduntur fiduciam
quam
per tela et hostium arma circumsonantium.
Fable 35: DE RUSTICO ET COLUBRO. Contra ingratos perfidosque Natura declamat ipsa; in ingrato etenim uno, omnia numerantur crimina, qui ab alieno acceptum beneficium non agnoscet, et patriae et parentibus et Deo ipsi infidelem se praebebit.
Segmented version:
Contra ingratos perfidosque
Natura declamat ipsa;
in ingrato etenim uno,
omnia numerantur crimina,
qui
ab alieno acceptum beneficium
non agnoscet,
et patriae et parentibus et Deo ipsi
infidelem se praebebit.
Fable 36: DE EQUO ET ASELLO ONUSTO. Morale docet infortunium et imprudentiam eorum, qui, cum possint, pro pecuniola vel minutulo pretio mala incumbentia exurere, opportunitate illa posthabita, in damna graviora inciderint.
Segmented version:
Morale docet
infortunium et imprudentiam eorum,
qui,
cum possint
pro pecuniola vel minutulo pretio
mala incumbentia exurere,
opportunitate illa posthabita,
in damna graviora inciderint.
Fable 37: DE LEONE ET MURE. Innuit fabula, matrimonia et cetera consortia esse improbanda, quae ab imparibus contrahuntur. Moderanda sunt vota, nam qui plura quam decet quaerit, interdum etiam et mortem festinat suam.
Segmented version:
Innuit fabula,
matrimonia et cetera consortia
esse improbanda,
quae ab imparibus contrahuntur.
Moderanda sunt vota,
nam
qui plura quam decet quaerit,
interdum etiam
et mortem festinat suam.
Fable 38: DE GALLO GALLINACEO. Homines sunt natura tam depravati, ut ad perituras divitias et fallacia gaudia citius feruntur, quam ad nobiles virtutum dotes, quae non solum corpus honore afficiunt, sed animum etiam et caelo beant.
Segmented version:
Homines
sunt naturā tam depravati,
ut
ad perituras divitias et fallacia gaudia
citius feruntur,
quam ad nobiles virtutum dotes,
quae
non solum corpus
honore afficiunt,
sed animum etiam
et caelo beant.
Fable 39: DE AQUILA ET TESTUDINE. Morale docet quod: nil tam arduum, quod non sollertia et sudore attingatur.
Segmented version:
Morale docet quod:
nil tam arduum,
quod
non sollertia et sudore attingatur.
Fable 40: DE ASINO LEONIS PELLE INDUTO. Quod non es, nec te esse simules; multi qui Hectores se esse, et iactant et videri volunt, ex sua loquacitate redarguuntur et, vero comperto, irridentur.
Segmented version:
Quod non es,
nec te esse simules;
multi qui
Hectores se esse,
et iactant et videri volunt,
ex sua loquacitate
redarguuntur
et, vero comperto,
irridentur.
Fable 41: DE URSO ET ALVEARI. Docet moderationem et patientiam, humanis actionibus praesidem, fore prudentissimum, et quam futilis sit impotens iracundia et illic excandescere, ubi non penes nos sit iniuriam illatam vindicare.
Segmented version:
Docet
moderationem et patientiam,
humanis actionibus praesidem,
fore prudentissimum,
et
quam futilis sit
impotens iracundia
et illic excandescere,
ubi
non penes nos sit
iniuriam illatam vindicare.
Fable 42: DE IUVENE ET HIRUNDINE. Morale docet non certam avium aut ventorum auguriis fidem adhibendam.
Segmented version:
Morale docet
non certam
avium aut ventorum auguriis
fidem adhibendam.
Fable 43: DE FORMICA ET COLUMBA. Morale monet gratiarum reciproca retributione et vel pusillis animalibus fortiores interdum obligatos.
Segmented version:
Morale monet
gratiarum
reciproca retributione
et vel pusillis animalibus
fortiores interdum obligatos.
Fable 44: DE MURE ET RANA. Saepissime hoc evenire videmus litigiosis civibus, qui, dum inter se certant quis grandior fiet, tertius aliquis ex improviso apparet, qui pretium certaminis eripit, spoliisque fruitur duorum tam ambitiose sese gerentium aemulorum.
Segmented version:
Saepissime
hoc evenire
videmus
litigiosis civibus,
qui,
dum inter se certant
quis grandior fiet,
tertius aliquis
ex improviso apparet,
qui pretium certaminis eripit,
spoliisque fruitur duorum
tam ambitiose
sese gerentium aemulorum.
Fable 45: DE LEONE SENE. Morale monet omnes in magistratu suo tam modeste sese contineant, ut non, cum de dignitate detrusi sint, cachinnis et risu exciperentur.
Segmented version:
Morale monet
omnes
in magistratu suo
tam modeste sese contineant,
ut non,
cum de dignitate detrusi sint,
cachinnis et risu exciperentur.
Fable 46: DE LEONE ET VULPE. Nulla fides adhibenda verbis quae, ni cavemus, saepius nobis dabuntur; capienda enim est coniectura tum ex verbis, tum ex factis, et ex illis alia, et alia sunt iudicanda.
Segmented version:
Nulla fides
adhibenda verbis
quae,
ni cavemus,
saepius nobis dabuntur;
capienda enim est
coniectura
tum ex verbis,
tum ex factis,
et ex illis alia,
et alia sunt iudicanda.
Fable 47: DE VULPE, CANE ET GALLO. Odio digna est simulatio, et simulatione capienda; non est timendus hostis qui hostem prae se fert, sed qui, cum hostis sit, benevolentiam simulat; is demum timendus est, et odio dignissimus.
Segmented version:
Odio digna est
simulatio,
et simulatione capienda;
non est timendus hostis
qui hostem prae se fert,
sed qui,
cum hostis sit,
benevolentiam simulat;
is demum timendus est,
et odio dignissimus.
Fable 48: DE LEONE ET URSO. Innuit haec fabula multos, ut latranti satisfacerent stomacho, plurima subire pericula, et quam vel hic vel ille summa industria ambivit, tertius aliquis est lucratus praedam.
Segmented version:
Innuit haec fabula
multos,
ut latranti satisfacerent stomacho,
plurima subire pericula,
et quam
vel hic vel ille
summa industria ambivit,
tertius aliquis
est lucratus praedam.
Fable 49: DE ALAUDA ET PULLIS EIUS. Quisque quoad potest animum ad id advertat quod suae parti et causae putat potissimum prodesse; si quid recte curatum velis, alteri ne mandes, sed cures ipse.
Segmented version:
Quisque
quoad potest
animum ad id advertat
quod
suae parti et causae putat
potissimum prodesse;
si quid
recte curatum velis,
alteri ne mandes,
sed cures ipse.
Fable 50: DE PISCATORE ET PISCICULO. Quam stolidi sunt qui, spe oblactati magnae fortunae, nugantur omnino et tempus in trivialibus consumunt.
Segmented version:
Quam stolidi sunt
qui,
spe oblactati magnae fortunae,
nugantur omnino
et tempus in trivialibus consumunt.
Fable 51: DE VULPE SINE CAUDA. Solamen miseris socios habuisse doloris.
Segmented version:
Solamen miseris
socios habuisse doloris.
Fable 52: DE TUBICINE CAPTIVO. Morale docet quod: magis laesae maiestatis sunt rei habendi primores, qui consilium et rationes bellum movendi praecipiunt, quam gregarii milites qui eorum morem gerunt praeceptis.
Segmented version:
Morale docet quod:
magis
laesae maiestatis
sunt rei habendi
primores,
qui
consilium et rationes
bellum movendi
praecipiunt,
quam gregarii milites
qui
eorum morem gerunt
praeceptis.
Fable 53: DE LUPO ET AGNO. Fabula innuit molesta semper et gravia esse onera quae divites pauperum humeris imponunt; potens etenim, si libet nocere, facile capiet nocendi ansam; satis peccavit qui resistere non potuit.
Segmented version:
Fabula innuit
molesta semper et gravia esse
onera
quae divites
pauperum humeris imponunt;
potens etenim,
si libet nocere,
facile capiet
nocendi ansam;
satis peccavit
qui resistere non potuit.
Fable 54: DE EQUO ET LEONE. Non est timendus hostis qui hostem prae se fert, sed qui, cum hostis sit, benevolentiam simulat; is demum timendus est et fugiendus.
Segmented version:
Non est timendus
hostis
qui hostem prae se fert,
sed qui,
cum hostis sit,
benevolentiam simulat;
is demum
timendus est et fugiendus.
Fable 55: DE CANE ET UMBRA. Monemur hac fabella modestiae, monemur prudentiae, ut cupiditati modus ponatur, ne certa pro incertis amittamus! Omnium malorum radix est avaritia.
Segmented version:
Monemur hac fabella modestiae,
monemur prudentiae,
ut cupiditati modus ponatur,
ne certa pro incertis amittamus!
Omnium malorum radix
est avaritia.
Fable 56: DE ANU ET ANSERE. Morale monet nos contentos esse praesenti forte, quam cum despicimus et altiori inhiamus, saepissime in humiliorem incidimus.
Segmented version:
Morale monet nos
contentos esse
praesenti forte,
quam cum despicimus
et altiori inhiamus,
saepissime
in humiliorem incidimus.
Fable 57: DE LEPORE ET TESTUDINE. Stulte facit qui nimiam cofnidentiam in seipso ponit, nam studio et diligentia, non corporis viribus, res vel maximae conficiuntur.
Segmented version:
Stulte facit
qui
nimiam cofnidentiam
in seipso ponit,
nam
studio et diligentia,
non corporis viribus,
res vel maximae conficiuntur.
Fable 58: DE QUERCU ET ARUNDINE. Nemo alterum contempserit; si quis tua virtute caret, forte virtutes habet quibus tu indiges. Pontentiori nemo resistat sed cedendo et ferendo vincat.
Segmented version:
Nemo
alterum contempserit;
si quis
tua virtute caret,
forte
virtutes habet
quibus tu indiges.
Pontentiori
nemo resistat
sed
cedendo et ferendo
vincat.
Fable 59: DE HIRUNDINE ET ALIIS AVICULIS. Multi nec ipsi consulere sibi norunt, nec recte consulentm audiunt, sed cum in periculis versantur, tum demum incipiunt suam damnare socordiam.
Segmented version:
Multi
nec ipsi consulere sibi norunt,
nec recte consulentm audiunt,
sed cum in periculis versantur,
tum demum incipiunt
suam damnare socordiam.
Fable 60: DE LEONE, ASINO ET GALLO. Fabula innuit quod: plerique homines inimicos illos aggrediuntur qui se de industria humiliarunt atque, ab illis saepius victi, occiduntur.
Segmented version:
Fabula innuit quod:
plerique homines
inimicos illos aggrediuntur
qui
se de industria humiliarunt
atque, ab illis saepius victi, occiduntur.
Fable 61: DE CANE VETULO ET MAGISTRO. Docet omnium vitiorum ingratitudinem damnosissimum, et etiam vertitatem veteris adagii confirmat: Servum iuvenilem canescentem (nisi sit providus) fore mendicum.
Segmented version:
Docet
omnium vitiorum
ingratitudinem
damnosissimum,
et etiam
vertitatem veteris adagii confirmat:
Servum iuvenilem
canescentem
(nisi sit providus)
fore mendicum.
Fable 62: DE DELPHINO ET SMARIDE. Morale indicat quod mali et scelerum artifices in casses saepissime inciderint, quas aliis tetenderunt.
Segmented version:
Morale indicat quod
mali et scelerum artifices
in casses saepissime inciderint,
quas aliis tetenderunt.
Fable 63: DE VULPE IN PUTEO. Vir prudens debet finem explorare, antequam ad rem peragendam veniat; finis enim coronat opus.
Segmented version:
Vir prudens
debet finem explorare,
antequam
ad rem peragendam veniat;
finis enim
coronat opus.
Fable 64: DE SATYRO ET VIATORE. Fabula innuit devitandam esse eius amicitiam cuius anceps vita est et non simplex sermo, cuius cor et lingua dissimiles partes agunt.
Segmented version:
Fabula innuit
devitandam esse
eius amicitiam
cuius anceps vita est
et non simplex sermo,
cuius cor et lingua
dissimiles partes agunt.
Fable 65: DE URSO ET DUOBUS VIATORIBUS. Indicat quam rarum sit fidelem invenire socium, qui in ipso mortis articulo se constantem exhibebit.
Segmented version:
Indicat
quam rarum sit
fidelem invenire socium,
qui
in ipso mortis articulo
se constantem exhibebit.
Fable 66: DE LEONE ET QUATTUOR TAURIS. Admonet haec fabella concordia nihil esse stabilius, nihil securius; formosa est felicitatis comes, qua mentes hominum aeque ac moenia in unum stabilita coeunt, qua civitates et imperia augentur, qua vires hostiles repelluntur propriaeque crescunt, qua homines sociabiles et politici fiunt, qua artes et ingenia florent, et, ut cum Lucretio concludamus: Non pretiosa magis virtus contingere possit.
Segmented version:
Admonet haec fabella
concordia
nihil esse stabilius,
nihil securius;
formosa est felicitatis comes,
qua
mentes hominum
aeque ac moenia
in unum stabilita coeunt,
qua
civitates et imperia augentur,
qua
vires hostiles repelluntur
propriaeque crescunt,
qua
homines
sociabiles et politici fiunt,
qua
artes et ingenia florent,
et,
ut cum Lucretio concludamus:
Non pretiosa magis virtus
contingere possit.
Fable 67: DE LEONE ET MURE. Interdum et ipsi potentes egent ope servorum humillimorum; vir prudens igitur, etiamsi potest, timebit tamen vel vilissimo homuncioni nocere; nihil est quod magis commendat reges quam clementia et annexa potestati moderatio.
Segmented version:
Interdum
et ipsi potentes
egent ope
servorum humillimorum;
vir prudens igitur,
etiamsi potest,
timebit tamen
vel vilissimo homuncioni nocere;
nihil est
quod magis commendat reges
quam clementia
et annexa potestati moderatio.
Fable 68: DE CERVO IN AQUAS INSPICIENTE. Morale monet quod: iis maxime stolidi delectantur quae miserias sibi maximas minitantur.
Segmented version:
Morale monet quod:
iis
maxime stolidi delectantur
quae
miserias sibi maximas minitantur.
Fable 69: DE CATTO ET MURIBUS. Cavendum est cui fidem adhibemus; ea lege etenim vivitur, ut multi etiam foedissima consilia in obsequium vertunt, et adulantur quos dente Theonino dudum lacerarunt; mordet invidiae livor, assentatur favor, nusquam tuta fides apud blandos vel obnoxios.
Segmented version:
Cavendum est
cui fidem adhibemus;
ea lege etenim vivitur,
ut multi
etiam foedissima consilia
in obsequium vertunt,
et adulantur
quos
dente Theonino
dudum lacerarunt;
mordet
invidiae livor,
assentatur favor,
nusquam tuta fides
apud blandos vel obnoxios.
Fable 70: DE NUTRICE ET LUPO. Avari omnes lucro et praedae inhiant, sed honestis saepe deluduntur dolis; multa promittentibus omnes libenter auscultamus; feminae autem nulla adhibenda fides.
Segmented version:
Avari omnes
lucro et praedae inhiant,
sed
honestis saepe deluduntur dolis;
multa promittentibus
omnes libenter auscultamus;
feminae autem
nulla adhibenda fides.
Fable 71: DE AGRICOLA ET FILIIS. Res humanae optimum incrementum concordia faciunt, vel pessimam discordia iacturam.
Segmented version:
Res humanae
optimum incrementum
concordiā faciunt,
vel pessimam discordiā iacturam.
Fable 72: DE CATTO ET VULPE. Genuina et naturalis prudentia omnia figmenta fraudesque superat; qui aliis insidias molitur, sibimet ipsi plerumque imponit et est indeploratus artifex suae ipsius mortis.
Segmented version:
Genuina et naturalis prudentia
omnia figmenta fraudesque
superat;
qui
aliis insidias molitur,
sibimet ipsi
plerumque imponit
et est indeploratus artifex
suae ipsius mortis.
Fable 73: DE LEONE ET QUIBUSDAM ALIIS QUADRUPEDIBUS. Apud potentes rara semper fides. Quocirca satius est cum pari vivere. Qui enim cum potentioribus vivit, necesse habet de suo, saepe, iure concedere; tranquilla vita aequale petit.
Segmented version:
Apud potentes
rara semper fides.
Quocirca
satius est
cum pari vivere.
Qui enim
cum potentioribus vivit,
necesse habet
de suo, saepe, iure concedere;
tranquilla vita
aequale petit.
Fable 74: DE ANU ET ANCILLIS. Multi mortales sub otii specie inquietudinem et periculum machinantur et, dum unum malum student evitare, in alterum diversum incidunt.
Segmented version:
Multi mortales
sub otii specie
inquietudinem et periculum
machinantur
et,
dum unum malum
student evitare,
in alterum diversum incidunt.
Fable 75: DE CATTA IN FEMINAM MUTATA. Fabula innuit quod: homo nequam, licet personam mutet, mores tamen retinet eosdem.
Segmented version:
Fabula innuit quod:
homo nequam,
licet personam mutet,
mores tamen
retinet eosdem.
Fable 76: DE HERINACEIS VIPERAS HOSPITES EIICIENTIBUS. Fabula innuit quod eos in consortia non admittendos quos non eiicere possumus.
Segmented version:
Fabula innuit quod
eos
in consortia non admittendos
quos
non eiicere possumus.
Fable 77: DE RANIS ET EARUM REGE. Praesentium nos semper paenitet, credentes nova veteribus esse potiora.
Segmented version:
Praesentium
nos semper paenitet,
credentes
nova
veteribus esse potiora.
Fable 78: DE RANA ET VULPE. Stultitiam eorum arguit haec fabella qui multum promittendo et parum praestando, dum speciose certant alios antecellere, sibimet ipsis miserrime imponunt.
Segmented version:
Stultitiam eorum arguit
haec fabella
qui
multum promittendo
et parum praestando,
dum speciose
certant alios antecellere,
sibimet ipsis
miserrime imponunt.
Fable 79: DE SOLE ET VENTO. Quod non es, nec te esse simules; et quicum certes etiam atque vide: Nam etsi tu fortior esse tibimet ipsi forsan videris, est forsan alius te fortior aut, si non fortior, certe callidior, ut consilio suo tuas evincat vires.
Segmented version:
Quod non es,
nec te esse simules;
et quicum certes
etiam atque vide:
Nam etsi tu
fortior esse
tibimet ipsi forsan videris,
est forsan alius
te fortior
aut, si non fortior,
certe callidior,
ut consilio suo
tuas evincat vires.
Fable 80: DE CANE ET LUPO. Morale docet iniquam et pauperculam libertatem servituti ditissimae praeferendam.
Segmented version:
Morale docet
iniquam et pauperculam libertatem
servituti ditissimae praeferendam.