HOME | Irenaeus Home | Previous - Next ... (p. 101): not in Perry; does anyone know another source for this fable?
Fabula 34. De Vulpe et Gallo
Rusticus Vulpi tetenderat laqueos, quae ei plurimam Gallinam devoraverat; in quos illa incurrit; capta, rogavit Gallum, a quo solo visa fuerat, ut opem ferret ut posset exire; super omnia, ne quid de se hero aperiret. Pollicetur Gallus quantum poscebat et properato gressu domum reversus, infidae nil fidei servaturus, hero nuntiat cecidisse Vulpem in casses vinctamque teneri. Is gestiens securi armatus currit ad locum, quo viso Vulpes, proditam se intelligens, "O me stolidam (dicebat), quae gallum, cuius olim tot feminas strangulavi ac devoravi, putavi mihi fore amicum fidumque.
Rusticus
Vulpi tetenderat laqueos,
quae
ei plurimam Gallinam devoraverat;
in quos
illa incurrit;
capta,
rogavit Gallum,
a quo solo visa fuerat,
ut opem ferret
ut posset exire;
super omnia,
ne quid de se
hero aperiret.
Pollicetur Gallus
quantum poscebat
et
properato gressu
domum reversus,
infidae nil fidei servaturus,
hero nuntiat
cecidisse Vulpem
in casses
vinctamque teneri.
Is gestiens securi armatus
currit ad locum,
quo viso
Vulpes,
proditam se
intelligens,
"O me stolidam (dicebat),
quae gallum,
cuius olim tot feminas
strangulavi ac devoravi,
putavi
mihi fore
amicum fidumque.