HOME | Irenaeus Home | Previous - Next ... (p. 119): Perry 577
Fabula 44. De Vulture et Avibus
Vultur, volens laute prandere et ventrem suum delicatis cibis infercire, invitavit aviculas ad convivium - Natalem suum, ut dicebat, celebraturus. Haec fama exiit inter eas et hoc aucupio incautas fefellit. Veniunt igitur undique, existimantes invenire mensas omnis generis deliciarum refertas, non de suo paraturas. Sed ubi, adventatis ac coactis omnibus, fores occlusae sunt et Vultur rapere et mactare et occidere coepit: O insanas nos et vecordes (inquiunt), quae Vulturi, inimico nostro, fidimus, et apud eum putantes reperire escas, ipsae eius escae factae sumus.
Vultur, volens
laute prandere
et ventrem suum
delicatis cibis infercire,
invitavit aviculas
ad convivium -
Natalem suum,
ut dicebat, celebraturus.
Haec fama
exiit inter eas
et hoc aucupio
incautas fefellit.
Veniunt igitur undique,
existimantes
invenire mensas
omnis generis deliciarum refertas,
non de suo paraturas.
Sed ubi,
adventatis ac coactis omnibus,
fores occlusae sunt
et Vultur
rapere et mactare et occidere
coepit:
O insanas nos
et vecordes (inquiunt),
quae
Vulturi, inimico nostro, fidimus,
et apud eum
putantes reperire escas,
ipsae eius escae
factae sumus.