HOME | Irenaeus Home | Previous - Next ... (p. 126): Perry 171
Fabula 48. Vespertilio, Rubus, Mergus
Vespertilio ingressa latenter domum, pecuniam furata erat; Rubus vestes soli expositas; Mergus aurum in fundo aquae cuiusdam hominis immersi. Accidit autem ut quadam die hi tres simul coirent et, collatis in commune bonis, statuerent mercaturam exercere. Navim conscendunt, in terras longinquas merces suas deportaturi. Sed, saevissima tempestate exorta, quassata nave, perditis sarcinis, naufragi tabularum beneficio salvi ad litus se recipiunt. Factum est autem, ut quisque suae sortis conscius, Vespertilio sui furti poenas timens, non nisi pernox advolet; Rubus, ut antea, praeterentium lanas vellicet et rapiat; Mergus oris fluminum adnatet, affideatque piscatoribus, si forte aes inveniat. Adeo verum est: Naturam mutari non posse, mutata licet fortuna.
Vespertilio
ingressa latenter domum,
pecuniam furata erat;
Rubus
vestes soli expositas;
Mergus
aurum
in fundo aquae
cuiusdam hominis immersi.
Accidit autem
ut quadam die
hi tres simul coirent
et, collatis in commune bonis,
statuerent mercaturam exercere.
Navim conscendunt,
in terras longinquas
merces suas deportaturi.
Sed, saevissima tempestate exorta,
quassata nave, perditis sarcinis,
naufragi
tabularum beneficio
salvi ad litus se recipiunt.
Factum est autem,
ut quisque suae sortis conscius,
Vespertilio
sui furti poenas timens,
non nisi pernox advolet;
Rubus, ut antea,
praeterentium lanas vellicet et rapiat;
Mergus
oris fluminum adnatet,
affideatque piscatoribus,
si forte aes inveniat.
Adeo verum est:
Naturam mutari non posse,
mutata licet fortuna.