HOME | Irenaeus Home | Previous - Next ... (p. 141): Not in Perry - and I don't know of another source for this fable. Has anyone else seen it before? 

Fabula 56. Talpa et Mus.

Talpam caecum animal oculorum omnino expers, aut si habet, habet membrana quadam insidente obstructos, ut nil videat, ferunt aliquando gloriatum adversus Murem de praestantia oculorum et visus. Cui Mus: Egregios sane oculos habes, sed unde videas, non habes. Notans caecitatem mentis, plerumque graviorem multorum, qui caeci cum sint, acutius aliis videre se iactant et putant.

Talpam

caecum animal

oculorum omnino expers,

aut si habet,

habet

membrana quadam insidente

obstructos,

ut nil videat,

ferunt aliquando

gloriatum

adversus Murem

de praestantia oculorum et visus.

Cui Mus:

Egregios sane oculos habes,

sed unde videas, non habes.

Notans caecitatem mentis,

plerumque graviorem multorum,

qui caeci cum sint,

acutius aliis videre

se iactant et putant.