HOME | Irenaeus Home | Previous - Next ... (p. 148): Perry 13
Fabula 58. De Piscatoribus.
Piscatores retia in mare iecerant, quod ad terram trahentes, cum grave sentirent, magna laetitia gestiebant, existimantes se multum piscem captaturos et lucrum. Ad quos unus e sociis: "Quid ita?" inquit, et "Forte frustra gestimus? Quid si truncum inutilem aut lapidem trahimus? Et tempus et operam perdimus? Quippe laetitiae solet esse comes tristitia, ne efferamur: res humanae sic ludunt mortales; non omne quod splendet aureum est.
Piscatores
retia in mare iecerant,
quod ad terram trahentes,
cum grave sentirent,
magna laetitia gestiebant,
existimantes
se
multum piscem captaturos
et lucrum.
Ad quos
unus e sociis:
"Quid ita?" inquit, et
"Forte frustra gestimus?
Quid si truncum inutilem
aut lapidem trahimus?
Et tempus et operam perdimus?
Quippe laetitiae solet esse comes
tristitia,
ne efferamur:
res humanae
sic ludunt mortales;
non omne quod splendet
aureum est.