| 
  • If you are citizen of an European Union member nation, you may not use this service unless you are at least 16 years old.

  • Social distancing? Try a better way to work remotely on your online files. Dokkio, a new product from PBworks, can help your team find, organize, and collaborate on your Drive, Gmail, Dropbox, Box, and Slack files. Sign up for free.

View
 

irenaeus059

Page history last edited by Laura Gibbs 11 years ago

 

HOME | Irenaeus Home | Previous - Next ... (p. 148): Perry 328

 

Fabula 59. De Cane ad cenam eunte.

 

Invitarat quidam Civis Amicum suum ad convivium opiparum, cuius Canis etiam eiusdem Amici Canem ad cenam invitavit. Is, spe futuri prandii lauti, ut sperabat, diem abstinuit, ut ventrem copiosius ac genialius infarciret; condicta igitur hora cum hero ad convivii locum veniens praecucurrit, cauda prae laetitia gestiens, et ut moris est Canum, statim in culinam penetravit, quem Coquus cauda prehensum, Te unum, inquit, O bona bestia! expectabamus ad cenam; sed quia nondum carnes sufficienter assata sunt, tantillum exeundum est foras, sicque illum rotans, per fenestram proiecit: ille ex casu paene exanimis, ac resurgendo exclamans, accurrentibus ad se canibus, petentibusque quam laute cenasset, tam bene, inquit, pastus sum, ut vix qua exierim viam adverterim. Haec fabula carpit inanes expectationes hominum, qui ad primam degustandae voluptatis umbran procurrentes, miseri saepe falluntur.

 

Invitarat quidam Civis

Amicum suum

ad convivium opiparum,

cuius Canis etiam

eiusdem Amici Canem

ad cenam invitavit.

Is,

spe futuri prandii lauti,

ut sperabat,

diem abstinuit,

ut ventrem

copiosius ac genialius infarciret;

condicta igitur hora

cum hero

ad convivii locum veniens

praecucurrit,

cauda prae laetitia gestiens,

et ut moris est Canum,

statim in culinam penetravit,

quem Coquus cauda prehensum,

Te unum, inquit,

O bona bestia!

expectabamus ad cenam;

sed quia

nondum carnes

sufficienter assata sunt,

tantillum exeundum est foras,

sicque illum rotans,

per fenestram proiecit:

ille ex casu paene exanimis,

ac resurgendo exclamans,

accurrentibus ad se canibus,

petentibusque quam laute cenasset,

tam bene, inquit, pastus sum,

ut vix

qua exierim

viam adverterim.

Haec fabula carpit

inanes expectationes hominum,

qui

ad primam degustandae voluptatis umbran

procurrentes,

miseri saepe falluntur.

 

Comments (0)

You don't have permission to comment on this page.