HOME | Irenaeus Home | Previous - Next ... (p. 209): Abstemius.
Fable 87: Asinus et Scurra
Asellus, videns in platea civitatis Circulatorem et Scurram diversorum voces et cantus, seu avium, seu animalium imitando et crepitus edendo multae plebis risum movere, et non parvam inde expiscari pecuniam, indigne ferens pluris fieri Scurram quam se, Magistratum adit, conqueritur de favore impertito Scurrae, alios despici digniores; petit ab eo Magistratus quidnam artis sciret, quo se Scurrae praeferri vellet. Si de voce agitur? (inquit) Longe valentiori praeditus sum. Si de cantu? Suavius modulor, testimonio sint qui me quotidie audiunt, qui ubi me vocem efferentem audiunt omnes prae dulcedine modulationis meae risum tenere non possunt. De cetero, crepitus maiores et longiores edo, absque fetore ullo, addo et stercora ad cumulum. Qua responsione homo in risum effusus probavit iustam Asini aemulationem, et ut solebat, monuit perseverare.
Asellus,
videns
in platea civitatis
Circulatorem et Scurram
diversorum voces et cantus,
seu avium, seu animalium
imitando
et crepitus edendo
multae plebis risum movere,
et non parvam inde
expiscari pecuniam,
indigne ferens
pluris fieri Scurram quam se,
Magistratum adit,
conqueritur
de favore impertito Scurrae,
alios despici digniores;
petit ab eo Magistratus
quidnam artis sciret,
quo
se Scurrae praeferri
vellet.
Si de voce agitur? (inquit)
Longe valentiori praeditus sum.
Si de cantu?
Suavius modulor,
testimonio sint
qui me quotidie audiunt,
qui ubi
me vocem efferentem audiunt
omnes
prae dulcedine
modulationis meae
risum tenere non possunt.
De cetero,
crepitus maiores et longiores
edo,
absque fetore ullo,
addo et stercora ad cumulum. Qua responsione
homo
in risum effusus
probavit
iustam Asini aemulationem,
et ut solebat,
monuit perseverare.
Comments (0)
You don't have permission to comment on this page.