HOME | Irenaeus Home | Previous - Next ... (p. 232): Perry 12
Fable 98: Vulpes et Pardus
Altercabantur Vulpes et Pardus de pulchritudine, qua in re Pardus longo intervallo existimans superare Vulpem, ostentabat pellis suae varietates, et contra Vulpinae fuliginem et fuscum colorem multis deprimebat. Vulpes autem, cum ab illa parte se superari cerneret: Iactas (inquit) varietates tuas in pelle; ego maiores habeo in mente. Et quanto anima praestat corpore, tanto specie te praecello. Indicat in homine magis attendi pulchritudinem mentis, quam cutis aut pellis.
Altercabantur
Vulpes et Pardus
de pulchritudine,
qua in re
Pardus
longo intervallo
existimans superare Vulpem,
ostentabat
pellis suae varietates,
et contra
Vulpinae fuliginem
et fuscum colorem
multis deprimebat.
Vulpes autem,
cum ab illa parte
se superari cerneret:
Iactas (inquit)
varietates tuas in pelle;
ego
maiores habeo in mente.
Et quanto
anima praestat corpore,
tanto
specie te praecello.
Indicat
in homine
magis attendi
pulchritudinem mentis,
quam cutis aut pellis.