Titulus 37.
TITULUS XXXVII.
DE NUPTIIS,
SEU CONIUGATIS.
FABULA.
De Vulpe, et Leaena.
Iactabat Vulpes fecunditatem suam, quod una fetura et partu quinque aut sex Vulpinos ederet; et eo nomine supra modum tumens, Leaenae ex aduerso stanti exprobrabat, quod unicum parteret. Unicum quidem pario, respondit, sed Leonem. Ostendens in rebus rite aestimandis, Non tam molem aut multitudinem operis, quam nobilitatem et praestantiam, attendi debere. In quo etiam raritas saepenumero pretium facit.